Рускиот амбасадор во Обединетите нации, Виталиј Чуркин, изјави дека Русија работи со Советот за безбедност на Обединетите нации на документ кој ќе воведе построга примена на резолуцијата 2199, чија цел е сузбивање на илегалната трговија со нафта на терористичките организации, како и соработување со нив.
Чуркин рече дека целта на резолуцијата е да го блокира финансирањето на терористичките групи, вклучувајќи ги екстремистите на Исламска држава.
– Не сме задоволни со начинот на контрола и на спроведување на резолуцијата 2199, која беше наша иницијатива. Сакаме да ја заостриме целата процедура – рече Чуркин, додавајќи дека за текстот веќе разговара со колегите.