Македонија Апелација ја одложи седницата на која ќе решава дали „бомбите“ се докази...

Апелација ја одложи седницата на која ќе решава дали „бомбите“ се докази за „Тендери“

Поради службени обврски на претседателката на Апелацискиот суд, Лилјана Ивановска-Шопова, одложена e денешната јавна седница на која требаше да се расправа за тоа дали „бомбите“, што Основниот суд Скопје 1 ги отфрли како неважечки, може да се користат како доказ во предметот „Тендери“.

Седницата е одложена за утре во 9.30 часот.

Од тројцата судии кои треба да одлучуваат за овој предмет, на јавната седница присуствуваа судиите Јани Нича и Африм Фидани, како и четворицата адвокати што ги застапуваат обвинетите.

Ексминистерката е обвинета во предметот „Тендери“ за малверзации со тендерот за извршување градежни работи во Музејот на ВМРО, од проектот „Скопје 2014“, со што буџетот, според СЈО, бил оштетен за речиси 54 милиони денари.

Освен Канческа-Милевска, во „Тендери“ обвинети се и Лидија Лазарова-Цветковска и Јулијана Угриновска.