Од АМСМ информираат дека сообраќајот на државните патишта се одвива по наместа влажни коловози.
Поради појава на магла, намалена видливост има на планинскиот премин Буково до 150 метри и на Попова Шапка до 50 метри.
На патниот правец Р2232 Кочани – Злетово, кај селото Киселица, сообраќајот се одвива со ограничена брзина од 30илометри на час поради слегнување на коловозот во должина од 50 метри. Поставена е соодветна сигнализација.
Во општина Крива Паланка е непрооден патниот правец село Дурачка Река – село Дренак, во должина од седум километри.
На регионалниот пат Куманово – Кратово, кај излезот на село Железница, има попуштеност на асфалт во должина од 10 метри и поставени се знаци за предупредување.