Али Ахмети, лидерот на Демократската унија за интеграции (ДУИ), на 8 јануари во Атина ќе се сретне со грчкиот министер за надворешни работи Никос Коѕиас.
Од ДУИ велат дека единствената причина за посетата на Атина е средбата меѓу Ахмети и Коѕиас.
Во соопштението на ДУИ се наведува дека Ахмети и Коѕиас ќе разменат мислења и идеи за добрососедските односи, за отворените прашања меѓу двете земји и за евроатлантските интеграции на Македонија.
Ахмети ќе биде придружуван од пратеникот Артан Груби, од вицепремиерот за Рамковен договор, Муса Џафери, и од вицепремиерот за евроинтеграции, Фатмир Бесими.
Ова ќе биде втора тет-а-тет средба меѓу Ахмети и Коѕиас, кои се сретнаа и разговараа во грчката Канцеларија за врски во Скопје при јунската посета на шефот на грчката дипломатија.