Претседателот на СДСМ, Зоран Заев, по повод празникот Свети Климент Охридски, упати честитика до сите граѓани од православна вероисповед.
„Чествувањето и почитувањето на делото на големиот светител Климент Охридски, кој целиот свој живот го посветил на просветителство и на описменување, е од огромно значење за зачувувањето и за унапредувањето на македонската култура и на цивилизациските вредности со универзално значење.
Просветното и книжевно творештво на Свети Климент Охридски, основоположникот на Охридската книжевна школа и творец на кириличното писмо, остави темелна трага во културниот и во духовниот развој на македонската, како и на многу други нации во светот.
Одбележувајќи го денешниот ден, се потсетуваме и на суштинското значење на солидарноста и на почитувањето на заедничките вредности кај луѓето.
Големите дела на свети Климент Охридски нè обврзуваат сите нас, втемелените патеки на меѓусебно разбирање, почитување и на помагање да ги промовираме и заеднички да ги поттикнуваме.
Нека е честит и за многу години празникот“, се вели во честитиката на претседалот на СДСМ, Зоран Заев.