Премиерот Зоран Заев, денеска во Струмица од храмот на Пресвета Богородица во Струмица им го честиташе верскиот празник Успение на Пресвета Богородица на сите православни христијани во земјата.
„Ова е еден од нашите поголеми христијански празници кога треба да сме во нашите цркви, со нашиот народ, за да споделуваме христијански вредности. Споделувањето на христијанските вредности значи дека сме добри луѓе, кои сакаме да си помагаме, меѓусебно да си пружиме рака и заедно да се надеваме на подобра иднина на сите нас. Македонија е се што имаме, а нашата црква е нашиот покровител, надевајќи се дека овие празници ќе ни ја вратат добрината во душата за да продолжиме да бидеме пред се добри луѓе“, рече Заев во неговата честитка.
Oд протоколот на Владата на присутните новинари им беше соопштено дека премиерот нема да одговара на новинарски прашања поради големиот христијански празник.