Незадоволните тутунопроизводители од Радовиш и од Струмица, утре од 12 до 13 часот ќе го блокираат магистралниот пат Струмица – Штип. Самостојниот синдикат на земјоделците блокадата ја организира поради ниската откупна цена и процентуално високите одбитоци за влага и за песок.
Магистралниот пат ќе биде блокиран на две места: на патот Струмица – Радовиш кај „Слобода“ и Радовиш – Штип на клучката кај селото Ињево.
На блокадата се противи Сојузот на здруженијата на тутунопроизоводели. Сојузот се сомнева дека блокадата е политички мотивирана и ги потсетува земјоделците на ефектот од протестот во 2010 година, кога откупните претпријатија го прекинале откупот.