Денеска од 10.30 до 12.30 часот судовите нема да работат поради протестот на дел од судската администрација.
Дактилографките во 10.30 часот ќе ги напуштат судниците и два часа ќе стојат пред судовите во знак на протест поради Законот за судска служба, за кој велат дека е полн со нејаснотии и не дефинира кој е судски службеник, кој административец, а кој е службеник во јавното обвинителство.
Велат дека на средбите со министерот за правда не постигнале резултати и затоа се решиле на овој радикален чекор.