Dje mbrëma në Shkup papritur ndërroi jetë aktori Vasil Shishkov. Ai është djali i legjendës së aktrimit të Maqedonisë, Risto Shishkov.
Lindi më 1970 në Shkup, ndërsa në skenën teatrale u paraqit në vitin 1991. Ka marrë pjesë në disa filma, ndërsa rolin e tij të fundit e ka pasur në filmin “Hije” të Millço Mançevskit.
Shishkov ka aktruar edhe në serialin “Përrallat popullore maqedonase” dhe në filmat “Xhipsi mexhik”, “Zoti i vraftë spiunët”, “Maqedonia mundet”, “Brumbujt” etj.
Rrethanat për vdekjen e tij tani për tani nuk dihen. Sipas informacioneve të pakonfirmuara Shishkov vdiq si pasojë e atakut në zemër.