Kontesti i emrit dhe ideja për masat e ndërtimit të besimit kanë qenë pjesë e bisedave të sekretarit shtetërorë amerikan Xhon Keri, me shefin e diplomacisë greke, Nikos Kozias. Siç theksoi Kozias pas takimit të djeshëm në Uashington, me Kerin kanë biseduar për nismat e reja të Greqisë për çështjet nacionale, gjegjësisht raportet greko- turke dhe ato greko- maqedonase. Kozias nuk shpjegoi në detaje se si është prononcuar pala amerikane për momentet e reja në marrëdhëniet greko- maqedonase, e as nëse ka pasur ndonjë presion nga pala amerikane për zgjidhje më të shpejtë të emrit.
Në agjendë ishin edhe çështja e Qipros dhe diskutimi i hollësishëm për ekonominë greke, marrëdhëniet greko- ruse dhe vizita e Kozias dhe kryeministri Aleksis Cipras në Moskë. Ekonomia greke, kriza financiare dhe obligimet ndaj kreditorëve ndërkombëtarë ishte tea kryesore e bisedës mes dy shefave të diplomacisë, Keri dhe Kozias kanë biseduar për mundësinë SHBA-të financiarisht t’i ndihmojnë shtetit me çka do të mund t’i ndihmojnë Greqia ta rrit besimin në ekonominë greke dhe të rritet numri i investimeve të huaja në këtë vend.
Një prej temave kryesore që papritmas u gjet në fokus ishte mënyra me të cilën Greqia ballafaqohet me terroristët e mbyllur, pas paralajmërimit për ligj të ri me të cilin do t’ju lejohet të burgosurve në kushte të vështira të vendosen në burg të ashpër shtëpiak. Kjo në veçanti acaroi SHBA-të për shkak të rastit me Savas Ksiros, anëtarë i organizatës terroriste 17 Nëntori, përgjegjës për sulmet dhe vrasjen e disa diplomatëve amerikan në Athinë, i cili me këtë ligj mund të lëshohet në burg shtëpiak. SHBA ashpër reagoi përmes Departamentit të shtetit, thirrje e Kerit deri tek Cipras dhe me njoftim publik të ambasadorit amerikan në Athinë deri tek gazetarët grek.