„Истрагата е во тек – до кога“ и ужасни звуци од кршење стакло можеа да се слушнат денеска пред објектот на Основно јавно обвинителство. Со ова, активистите за човекови права сакаа да ја доловат атмосферата што се случи пред неколку недели во кафулето „Дамар“, кога дваесетина хулигани го демолираа кафулето за време на роденденската прослава на ЛГБТ-заедницата.
Ова е четврти протест пред објектот на обвинителство на активистите за човекови права. На претходниот протест, активистите во црни ќеси, симболизирајќи лешеви, лежеа пред скалите на објектот на обвинителството.