Менаџерот на Челси, Жозе Мурињо, ѝ понудил на Фиорентина 27 милиони евра за трансфер на Хуан Квадрадо, пренесува „Газета дели спорт“.
Мурињо претходно сака да се ослободи од Мохамед Салах, поради правилата на финансиски фер-плеј, а играчот веќе договорил услови за да премине во Рим, наведува угледниот италијански весник.
Квадрадо честопати изјавуваше дека е подготвен да премине во поголем клуб, посебно нагласувајќи дека сака да заигра во Премиер-лигата.
Откупната клаузула во договорот на Колумбиецот е 35 милиони евра, но клубот од Фиренца би бил задоволен и со помала сума.
Квадрадо го привлече вниманието на најголемите европски клубови за време на Светското првенство во Бразил, кога со селекцијата на Колумбија стигна до четвртинафиналето. Тој сезонава во Серија А одигра 21 натпревар и постигна пет гола.