Фудбалскиот тим Тотенхем сака летово во своите редови да го донесе играчот на Јувентус, Фернандо Љоренте, јавува шпанскиот весник „Aс“.
„Ас“ наведува дека Тотенхем е само еден од клубовите кои чекаат конечна одлука од Љоренте за тоа дали сака да ја напушти Серија А. Сепак, освен Тотенхем, „Ас“ не ги наведува другите клубови.
Се очекува шпанскиот фудбалер одлуката да ја донесе на крајот на сезоната.
Љоренте во Јувентус дојде во 2013 година од Атлетико билбоа, во кој на 333 натпревари даде 118 голови.