Осуденик на издржување казна затвор во КПУ Затвор Идризово – Скопје, на 31 мај тешко телесно повредил друг осуденик. Физички го нападнал во затворот со тупаници и клоци, а од нанесените тешки повреди оштетениот починал на 22 јуни, соопшти денеска Основното јавно обвинителство. Оттаму донеле наредба за спроведување истражна постапка против осомничениот за кривично дело – тешка телесна повреда од член 131 став 4 во врска со став 1 од Кривичниот законик.
„Бидејќи постојат околности кои укажуваат дека осомничениот ќе ја попречува кривичната постапка со влијание врз сведоците и опасност тој да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка притвор“, се наведува во соопштението на Обвинителството.