Девизните резерви во последното тримесечје од претходната година се зголемија, што најмногу се должи на задолжувањето на државата на меѓународниот финансиски пазар со издавање еврообврзница, пишува во најновиот извештај на Народна банка.
– Порастот на резервите е нешто помал од проектираниот, но отстапувањата се мали, а показателите на адекватноста на девизните резерви остануваат во сигурната зона. Воедно, и девизниот пазар веќе подолг временски период е релативно стабилен. Расположливите показатели за надворешниот сектор покажуваат дека трговскиот дефицит и приватните трансфери, како клучни компоненти на тековната сметка, засега се движат во проектираните рамки – се вели во извештајот на Народна банка.