Делницата на булеварот Митрополит Теодосиј Гологанов од крстосницата со улицата Московска до крстосницата со булеварот 8. Септември денеска и утре целосно ќе биде затворена за сообраќај поради изведување градежни работи.
Градот Скопје апелира до сите учесници во сообраќајот да се придржуваат на привремено воведениот сообраќаен режим и да ја почитуваат поставената патна сигнализација.