Загрепска берза потпиша договор за преземање на Љубљанската берза, со стекнување на 100 проценти акции од групацијата „ЦЕЕ Сток ексчејнџ груп“ (CEE Stock Exchange Group-CEESEG), пренесуваат хрватските медиуми.
При крајот на април 2015 година, Загрепска беше одбрана како потенцијален преземач на Љубљанската берза и влезе во ексклузивни преговори со ЦЕЕСЕГ.
По одобрението на регулаторните тела во двете земји и спроведувањето на потребната докапитализација на Загрепска берза, се очекува дека трансакцијата ќе биде реализирана во последниот квартал на оваа година.