Одборот на директори на „Триглав осигурување“ АД, на својата 105. седница, одржана на 17 ноември, го назначи Ѓорѓе Војновиќ за главен извршен директор на компанијата.
Претходно, Агенцијата за супервизија на осигурување ја даде својата согласност за именување на Војновиќ за член на орган на управување на компанијата.
– Убеден сум дека заедно со извршниот директор, Сања Танчевска, и со вработените во „Триглав осигурување“, кои посветено и професионално се соочуваат со секојдневните предизвици, ќе придонесеме за зголемен обем и квалитет на услугите за нашите клиенти, како што прилега на еден лидер во осигурувањето, а следствено на тоа, и дека ќе постигнуваме уште подобри резултати – изјави Војновиќ.