fbpx

ЗНМ и ССНМ му предложиле решенија за медиумски реформи на премиерот Заев

-

Претставници на Здружението на новинари на Македонија (ЗНМ) и на Самостојниот синдикат на новинари и на медиумски работници (ССНМ) денеска се сретнале со премиерот Зоран Заев, при што се разговарало за итните медиумски реформи. Заев изразил подготвеност за спроведување на сите реформи неопходни за да се обезбеди слобода на информирањето.

Претседателката на ССНМ, Тамара Чаусидис, и претседателот на ЗНМ, Насер Селмани, ги презентирале приоритетните решенија предложени од двете тела за подобрување на состојбата со слободата на медиумите. Биле презентирани модели за финансирање на медиумите, реформата на јавниот сервис, подобрување на работничките права во редакциите и за зголемување на транспарентноста и на отчетноста на институциите.

Според соопштението, премиерот покажал подготвеност и политичка волја да се прекине практиката на насилство врз новинарите и да се направат сите неопходни законски измени за гарантирање на слободата на говорот и на независноста на медиумите.

Премиерот Заев посочил дека Владата е целосно насочена на тоа  да создаде услови за објективно и професионално работење на медиумите.

– Владата е подготвена во соработка со новинарските здруженија и организации да спроведе итни и квалитетни  медиумски реформи. Граѓаните имаат право да бидат навремено и точно информирани. Лошата состојба со медиумите во Македонија, констатирана во извештаите на сите домашни и меѓународни организации, оваа влада ќе ја смени. Целта на новата влада  е да го заштити достоинството на новинарите и медиумските работници, тие да работат без притисоци, слободно и професионално. За таа цел ќе ги земеме предвид приоритетите изложени од ЗНМ и од ССНМ како неопходни во медиумската сфера – рекол Заев, според соопштението од Владата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...