fbpx

ЗНМ и СЕММ со препораки за заштита на медиумските работници во време на Ковид-19

-

Поаѓајќи од важноста граѓаните да имаат точни и навремени информации, особено во услови кога од тоа зависи и општото здравје, укажуваме на потребата новинарите и медиумските работници кои се вработени и/или имаат работен ангажман во медиумите да имаат одредена заштита и услови, со цел да се избегне ризикот од нивна потенцијална зараза, се вели во денешното соопштение на ЗНМ и СЕММ.

„Од исклучителна важност е новинарите и медиумските работници безбедно да ја вршат својата работа, земајќи предвид дека поради природата на новинарската професија дел од нив директно се изложени на контакт со луѓе на отворен и затворен простор. Преку почитувањето на насоките на кои што упатуваат нашите две организации, Здружението на новинарите и Советот за етика во медиумите, ќе помогнете да ги заштитите новинарите, а со тоа и да обезбедите предуслови за објективно информирање на граѓаните во услови на здравствена криза,“ се вели во соопштението.

Во препораката до одговорните лица во медиумите, од ЗНМ порачуваат на новинарите и медиумските работници потребно е да им се обезбеди:

– Aлкохолни марамчиња и дезинфициенси за рацете, кои првенствено треба да бидат поставени на влезовите од медиумите, при што секој вработен треба да ги искористи пред да влезе во просториите на медиумот;

– На оние кои известуваат од терен да им се обезбедат истите средства за чистење на воланите, брзиноменувачите и влезните и излезните рачки на возилата, како и за чистење на стативите на камерите, како и за деловите од камерите кои доаѓаат во допир со рацете или лицето, а истото важи и за микрофоните што се користат на терен и во оф-тон кабините (глувите соби), како и за фотоапаратите;

– Да се обезбедат сапуни во сите тоалети и кујнски простории, како и соодветни хартиени бришачи за раце и тоалетна хартија;

– Заедничките простории во редакциите, како што се кујните, потребно е да се избегнуваат и да не се користат од повеќе лица во исто време;

– Ризичните групи на вработени, како што се хронично болните, повозрасните лица и бремените жени, да бидат ослободени од работните задачи кои треба да се извршуваат на терен, а доколку при разговор со нив се оцени дека треба да бидат ослободени од работните задачи тоа да им се овозможи;

– Во работните простории треба да се овозможи физичка одвоеност од еден до друг вработен од најмалку еден метар;

– Доколку се забележи дека кај некој од вработените постојат симптоми на корона вирусот според укажувањето на СЗО, да се даде совет за самоизолација од 14 дена и да се јави на некој од јавно достапните броевите за кои што информираше Министерството за здравство;

– Потсетуваме претпоставените лица да ги следат насоките и препораките на државата, а кои се однесуваат на ослободување од работни обврски на родител кој има дете до 10 години (активно четврто одделение) и за кое ќе се донесе потврда. Истото важи и за самохраните родители;

– Во услови кога не е нужно, се охрабруваат редакциите да избегнуваат организирање состаноци и колегиуми во поширок состав.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...