fbpx

ЗНМ и МАН: Кукавички напад врз слободата на изразување

-

Здружението на новинари на Македонија и Македонската асоцијација на новинари изразуваат сочувство до семејствата на новинарите кои вчера во Париз загинаа во терористичкиот напад на неделникот „Шарли ебдо“.

„Во овие тажни моменти, изразуваме сочувство на семејствата на настраданите и се солидаризираме со целиот француски народ. Овој кукавички чин не е само напад врз слободата на медиумите, туку е напад и врз цивилизациските вредности на слободниот свет. Насилството во никој случај не смее да се толерира, а злосторниците мора најостро да се казнуваат. Екстремистите и терористите мора да се поразат во име на слободата, мирот и разбирањето меѓу цивилизациите“, стои во соопштението на ЗНМ.

МАН е згрозена од терористичкиот напад на сатиричниот неделник и од убиството на десетте новинари од редакцијата.

„Згрозени сме од овој напад, потсетуваме дека секој мора доследно да ја почитува слободата на изразување во која спаѓа и уметничкото изразување“, велат од МАН.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК нема да може сама да се справи со евентуални кибер напади и дезинформации

Кибер напади, дезинформации, логистички пречки - овие ризици се закана за кредибилитетот на изборните процеси, истакна денеска првиот човек на Државната изборна комисија (ДИК), Александар Даштевски. На денешната панел...