Лидерот на Алијансата на Албанците, Зијадин Села, денеска беше пуштен од Клиничкиот центар во Тетово, каде што се лекуваше по повредите добиени при инцидентите во Собранието на 27 април.

Села беше најтешко повреден, кога демонстранти упаднаа во законодавниот дом и ги нападнаа пратениците од парламентарното мнозинство.

Пред два дена, на Села во болница му беше на посета и лидерот на СДСМ, Зоран Заев, кој информираше дека здравствената состојба му се подобрува и дека разговарале за идните чекори околу придвижувањето на политичките процеси во Македонија.