Корона вирусот одзеде и два млади живота, лица на 23 и на 29 годишна возраст. Министерството за здравство информира дека во изминатите 24 часа во земјава починале 9 лица од ковид-19: еден од Крива Паланка (52г), двајца од Гостивар (60г и 62г), еден од Куманово (60г), еден од Велес (70г), двајца од Скопје (71г и 23г) и двајца од Струмица (29г и 44г). Oд нив 8 се починати во болнички услови, а една пациентка од Струмица починала при транспорт кон Скопје.
Во последните 24 часа се направени 1.404 тестирања и се регистрирани 98 нови случаи на ковид-19, во: Скопје-50, Куманово-6, Штип-4, Прилеп-5, Тетово-7, Струга-3, Битола-4, Охрид-2, Струмица-9, Делчево 2 и во Крива Паланка, Кочани, Берово, Кичево, Велес и Гостивар по еден нов случај на заболен.
Денеска Институтот за јавно здравје регистрира 104 оздравени пациенти од: Скопје-46, Штип-6, Прилеп-8, Тетово-9, Велес-1, Охрид-3, Гевгелија-1, Струмица-2, Крива Паланка-2, Кочани-2, Македонски Брод-5, Пехчево-4, Берово-4, Виница-2, Делчево-6, Свети Николе-1, Кичево-2.
Вкупната бројка на ковид дијагностицирани од почетокот на епидемијата изнесува 15.925, бројката на оздравени пациенти е 13.418, на починати е 661, а во моментов бројот на активни случаи во земјата изнесува 1.846.
Досега се направени вкупно 167.760 тестирања на ковид -19. На Инфективната клиника во изминативе 24 часа се примени 8 пациенти. Вкупно има хоспитализирани 82 пациенти, на кислородна поддршка се 40, а нема пациенти на механичка вентилација. Во болницата во Козле хоспитализирани се 4 деца и 5 мајки позитивни на ковид-19, 3 деца и 3 мајки суспектни на вирусот. Во ГОБ „8 Септември“ примени се 6, а вкупно има 33 пациент, на респираторна машина се 2 пациента. Во болницата во Битола се на лекување 16, а во болницата во Штип 47 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 149, позитивни и сомнителни на ковид-19.