Граѓаните на Финска се најсреќни на светот, додека Македонија е на 89-тото место од 137 држави, според рангирањето на годинешниот World Happiness Report (Светски извештај за среќа) кој главно се базира врз основа на оценките за живот од анкетата на Gallup World. Со тоа граѓаните во земјава се рангирани најниско од сите балкански држави, со исклучок на Србија и Босна и Херцеговина.
Индексот на среќа се мери според неколку фактори – животен век, БДП по глава на жител, социјална поддршка, степен на корупција, великодушност во заедницата каде што луѓето се грижат едни за други и слобода граѓаните да донесуваат клучни животни одлуки.
Македонија (87 место), според рангирањето на Индексот на среќа, се наоѓа најдолу на листата на балканските држави. Србија (45) и Босна и Херцеговина (71) не биле оценувани годинава, па нивниот просек е земен од претходните два извештаја. Двете држави, заедно со Албанија (83), Косово (34), Бугарија (77), Хрватска (48), Словенија (22) се наоѓаат повисоко на листата од нашата држава.
Како држави во кои живеат најсреќните граѓани, шеста година по ред прва е Финска, а потоа следуваат Данска, Исланд, Израел, Холандија, Шведска, Норвешка, Швајцарија, Луксембург и Нов Зеланд.
Најнесреќните жители на светот, според рангирањето, живеат во Авганистан, Либан, Сиера Леоне, Зимбабве, Конго, Боцвана.
