Струшката полиција поднела кривична пријава против жител на селото Корошишта, откако при претрес на неговиот дом биле пронајдени речиси 400 парчиња муниција за автоматска пушка.
Против Д.У. (26) е поднесена кривична пријава за недозволено изработување, држење и за тргување со оружје или распрскувачки материи.
Според полицијата, кон средината на јули оваа година, при извршен претрес во домот на осомничениот, биле пронајдени и одземени 389 парчиња муниција, калибар 7,62 милиметри долго зрно, за автоматска пушка „калашников“.
