fbpx

Жестоките борби во Донбас продолжуваат, Русија се обидува да продре со војска од Изијум

-

Русија ги обновува своите обиди да продре со војска во правец од градот Изијум во Харкивската област кон Донбас, објави британското Министерство за одбрана, пренесува Гардијан. Целта на руската војска е да продре длабоко во Донбас и да се обиде да ги опколи украинските сили кои ги бранат позициите околу градот Северодонецк и другите населени места од Донецката и Луганската област.

Укринформ јавува дека руските сили се групираат за напад во правец на градот Словјанск во Донецкиот регион. Борбите продолжуваат во реонот на Краснопилиа, при што руската војска извршила и артилериски напади на повеќе населени места во овој регион.

Руските сили се обидуваат да ја спречат украинската војска во Харкивската област да ја ослободи окупираната територија во правец кон украинско-руската граница.

Најжестоки борби се водат во околината на Северодонецк, а засега руските сили не напредуваат откако го зазедоа овој град во Луганската област. Укринформ јавува дека непријателот со различни средства ги напаѓа украинските сили и цивилните објекти во Лисичанск, Метиолкино, Устунивка и Воронове. Во правец кон градот Бакхмут, руската војска извршила артилериски напади кон Золоте, Спирне, Берестове, Соледар, Клунове и Троицке.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...