Крајно разочаран, но не и изненаден е градоначалникот на Општина Центар, Андреј Жерновски, по одлуката на Уставниот суд да не расправа за деталните урбанистички планови што тој ги обжалил во август.
Жерновски вели дека, според негови информации, на судиите им било наложено да ги отстранат плановите, но, како што рече тој, доказите против овие планови биле толку големи и сеопфатни што судиите не можеле да ги отстранат, туку само ги одложиле за некоја наредна седница.
– Мене не ми е јасно како може нечии 11 гласа да вредат повеќе од други 11 – изјави Жерновски.
Градоначаланикот потсети дека со оваа одлука на Уставниот суд само се докажува и потврдува она што го пишува во извештајот на Европската комисија дека дражавата и партијата во Македонија се едно исто.
Жерновски истакна дека спорниот детален план за Водно, за кој на седница на општинскиот Совет и „за“ и „против“ гласаа по 11 советници, а претседавачот на Советот, Мирослав Шиповиќ, гласаше воздржано, нема да го потпише.
Жерновски додаде дека во изминативе неколку дена во Општината дошле три различни инспекции за три предмети.
