Телеметриската сеизмолошка мрежа на сеизмолошките станици инсталирани ширум земјава, утринава регистрирала земјотрес чиј епицентар се наоѓа 87 километри југозападно од Скопје, во епицентралното подрачја Дебарца – Плакенска Планина, информираа од Сеизмолошката опсерваторија при Природно-математичкиот факултет во Скопје.
Земјотресот со Рихтерова локална магнитуда од 2,8 степени се случил во 5 часот и 56 минути.
Според досегашните податоци со кои располага опсерваторијата, земјотресот бил почувствуван во Демир Хисар и блиската околина со интензитет од III степени според Европската макросеизмичка скала.
