Силен земјотрес со јачина 6,5 степени според Рихтеровата скала ја погоди областа кај индонезискиот остров Суматра.
Засега нема податоци за евентуалната причинета штета или повредени.
Земјотресот е регистриран на длабочина на околу 50 километри, на 140 километри од градот Паданг.
Потресот ги испаничил жителите на Паданг, кои излегле на улиците.
Официјални лица соопштија дека нема опасност од цунами.
Повеќе од 200.000 луѓе загинаа во разорниот земјотрес во 2004 година со јачина од 9,1 степени според Рихтеровата скала по кој се појави цунами. Поголемиот дел од загинатите беа жители на провинцијата Ацех во северозападниот дел на Суматра.