fbpx

Земјите од Дримскиот басен го оценуваат прогресот во прекуграничната соработка

-

Денеска и утре, во Приштина, ќе се одржува четвртата конференција во рамките на Дримскиот процес на Глобалниот еколошки фонд (ГЕФ).

Повеќе од 100 преставници на различни институции, министерства, меѓународни и регионални институции се присутни на настанот кој значи заедничко согледување на активностите во дримскиот процес.

Воедно, со овој настан се одбележуваат и пет години од потпишувањето на меморандумот за заедничка визија на Дрим и една година од иницијацијата на ГЕФ.

Конференцијата е организирана заедно со третиот состанок на експертските работни групи, кој почна вчера.

– На сите работни средби и на конференцијата се очекува да се изрши согледување на развојот на процесот во последната година околу управувањето со Дримскиот басен.  Ќе бидат разгледани и активностите околу подготовка на управувачкиот план за Дримскиот басен и можностите за координирана акција за управување со заштитените подрачја на ниво на суб-басени – вели координаторот на Дримскиот проект за Македонија, Дејан Пановски.

Во рамките на Дримскиот проект на ГЕФ веќе се работи на надзор за квалитетот на водите во сливот, социо-економски анализи на сливот, како е тематски извештаи за состојбите со биодиверзитетот, загадувањето и хидрологијата на Дримскиот басен.

Сето тоа ќе биде инкорпорирано во главниот документ на првата фаза на проектот, прекуграничната дијагностичка анализа на Дримскиот басен, од која ќе произлезе стратешки акционен план.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...