Телеметриската сеизмолошка мрежа на Македонија, со станици во Скопје, Валандово, Охрид, Штип и Пехчево, утрово во 7.26 часот регистрирала земјотрес чиј епицентар се наоѓа на 120 километри југоисточно од Скопје и потекнува од епицентралното подрачје Струмица, информираат од Сеизмолошката опсерваторија при Природно-математичкиот факултет.

Земјотресот имал локална Рихтерова магнитуда ML=2.6, а бил почувствуван од населението на Струмица, Валандово и околината, со интензитет од III степени според Европската макросеизмичка скала.