Украина поднесе тужба против Русија пред Меѓународниот суд на правдата во Хаг, објави денеска на Твитер претседателот на Украина, Володимир Зеленски.
„Русија мора да биде одговорна за манипулирање со приказната за геноцид со цел да се оправда агресијата. Бараме итна одлука на судот, кој и наложува на Русија веднаш да ги прекине воените дејствија и очекуваме судењето да започне следната недела“, наведе Зеленски.
Ukraine has submitted its application against Russia to the ICJ. Russia must be held accountable for manipulating the notion of genocide to justify aggression. We request an urgent decision ordering Russia to cease military activity now and expect trials to start next week.
— Володимир Зеленський (@ZelenskyyUa) February 27, 2022
Русија им даде рок на украинските власти до 15 часот по локално време да одлучат дали ќе се сретнат со руската делегација на разговорите во белорускиот град Хомел.
Шефот на руската делегација и помошник на претседателот Владимир Путин, Владимир Медински, за државната новинска агенција РИА изјави дека ќе остане до закажаното време и ќе чека одговор.
Веднаш штом ќе ја добиеме оваа потврда, веднаш ќе почнеме да се среќаваме со нашите колеги во преговорите“, рече Медински.
Сепак, украинскиот претседател Владимир Зеленски рече дека ќе биде подготвен да разговара со Русија, но го отфрли нивниот предлог средбата да се одржи во Белорусија.
Руските сили ги нападнаа постројките за нафта и гас во Украина, предизвикувајќи огромни експлозии во текот на ноќта, но украинските сили ги спречуваа руските трупи кои напредуваа кон главниот град Киев, рече претседателот Володимир Зеленски додека нападот трае веќе четири дена.
Руската инвазија на Украина започна во четвртокот наутро со напади од копно, море и воздух, што беше веднаш најголемиот воен напад од една европска држава врз друга од Втората светска војна. Русија ги нарекува своите акции во Украина „специјална операција“, пренсе Ројтерс.
Според новинската агенција, западните разузнавачки извори велат дека руските сили наишле на многу посилен украински отпор отколку што очекувале и тоа значително го забавувало нивниот напредок од почетокот на нивната инвазија.
Соединетите Американски Држави и нивните сојузници во саботата се заложија да го блокираат пристапот на одредени руски банки до меѓународниот платен систем SWIFT како дополнително казнување на Москва додека таа продолжува со напад.
Повеќе од 43.000 Украинци избегаа во Романија во трите дена откако Русија ја нападна Украина по копно, море и воздух, покажаа податоците на граничната полиција во неделата.
Тие влегоа во Романија преку нејзините четири копнени гранични контролни пункта со Украина, но и преку нејзините контролни пунктови со Молдавија, покажаа податоците. Илјадници од нив веќе ја напуштија земјата на пат кон Бугарија и Унгарија.