Денеска во Турција почнува судењето на Фетулах Ѓулен, турски проповедник и политичар и најголем ривал на турскиот претседател, Реџеп Таип Ердоган.
Судењето ќе се одржи во главниот суд во Истанбул и претставува дел од острите мерки против движењето на Ѓулен, кои владата ги опишува како борба против „паралелна држава“.
Ѓулен (74) му беше сојузник на Ердоган кога неговата Партија на правдата и развојот дојде на власт во 2002 година.
На Ѓулен, кој живее во егзил во Пенсилванија, во САД, ќе му се суди во отсуство.
– Тој се товари за обид за соборување на владата и за водење терористичка организација – изјави неговиот адвокат Нурулах Албајрак.
