fbpx

Почна процедурата за утврдување на уставноста на СЈО

-

Уставниот суд ќе се произнесе за поднесената иницијатива за оценување на уставноста на Законот за Специјално јавно обвинителство, објави телевизија „Телма“.

По осум месеци чување во фиока, предметот веќе е доделен кај судија известител. Можно е да се најде на дневен ред на седницата закажана за среда.

Познавачите на оваа материја сметаат дека судот нема да донесе одлука со која ќе се укине СЈО поради фактот што тоа произлегува од Договорот од Пржино, кој беше постигнат со консензус и на кој потпис ставија лидерите на четирите политички партии, ВМРО- ДПМНЕ, СДСМ, ДУИ и ДПА.

Од СЈО велат дека нема основа законот да се прогласи за неуставен.

„Јавното обвинителство за гонење кривични дела поврзани и кои произлегуваат од содржината на незаконското следење на комуникациите постапува во согласност со Законот за Јавно обвинителство за гонење кривични дела поврзани и кои произлегуваат од содржината на незаконското следење на комуникациите и сметаме дека нашето постапување е во согласност со Уставот на Република Македонија, меѓународните договори ратификувани во согласност со Уставот и со законите во Република Македонија“, велат од СЈО.

Законот за СЈО го оспоруваат претседателот на Светскиот македонски конгрес, Тодор Петров, и Томе Тодоровски, адвокат од Свети Николе.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска: Членството во НАТО отвора можност за развој на науката и технологијата

„Членството во НАТО на сите членови на академската заедница- професори, истражувачи и студенти им отвора нова димензија на поддршка, на можност за соработка со колегите од сојузничките и партнерски...