Педесет и третото издание на Мајските оперски вечери, започна вчера во Националната опера и балет, со изведбата на „Риголето“ од Џузепе Верди, под диригентската палка на Џанлука Мартиненги. Еден од најголемите културни настани во земјава започна со звуците на „Триумфалниот марш“ од „Аида“ и традиционалното палење на фестивалскиот оган, проследено обраќање на директорот Оливер Арсовски, кој нагласи дека мисијата на институцијата е да ја чува високата уметничка репутација и да ја проширува публиката преку иновативни, но естетски верни постановки на класичниот репертоар.
Мајските оперски вечери ќе траат до 31 мај, а на сцената на Опера и балет ќе бидат поставени и балетот „Лебедово езеро“ од Чајковски и оперите „Набуко од Верди, „Мадам Батерфлај“ и „Турандот“ од Пучини и „Аида“ од Верди.
Во чест на отворањето на 53. издание на Мајски оперски вечери, во НОБ беше отворена и изложбата „Италија каква што не сте ја запознале“ со уметнички фотографии Немања Богдановиќ.
