На 16 мај 2025 година, по судска наредба и претходна истрага, полициски службеници од Секторот за компјутерски криминал при МВР извршија претрес во дом и други простории на Л.К. (21) од Скопје.
Тој е осомничен за неколку кривични дела: „правење, набавување или отуѓување средства за фалсификување“, „компјутерски фалсификат“, „злоупотреба на лични податоци“ и „оштетување и неовластено навлегување во компјутерски систем“, предвидени во Кривичниот законик.
При претресот се пронајдени и одземени еден десктоп компјутер, три хард диска, два лаптопа, пет USB стикови, три мобилни телефони, околу 4.000 евра во кеш, како и уплатници, исплатници, фалсификувани паркинг налози од ЈП „Паркинзи на Општина Центар“ и полициски картички со логото на МВР.
Според информациите од Министерството, по целосно документирање на случајот, ќе биде поднесена кривична пријава до Основното јавно обвинителство.
