Политичките лидери мора да ги надминат партиските интереси и да ја решат политичката криза и не смее да се дозволи ова да се прелее во меѓуетнички тензии. Ова е главната порака што генералниот секретар на ОБСЕ, Ламберто Заниер, им ја пренел на претседателот на државата, Ѓорге Иванов, и на министерот за надворешни работи, Никола Попоски.
„Утрово се сретнав со претседателот и со министерот за надворешни работи. Мојата главна порака беше дека лидерите мора да се исправат пред предизвикот, да ги надминат партиските интереси и да ја решат политичката криза за доброто на сите граѓани. Не смее да се дозволи ова да се прелее во меѓуетнички тензии!“, стои во твитот на Заниер објавен на твитер-профилот на Делегацијата на ОБСЕ во Скопје.
.@OSCE Secretary General @lamzannier 's message pic.twitter.com/b2QcJziGqk
— OSCE_Skopje (@OSCE_Skopje) March 9, 2017
Заниер на својот твитер-профил напиша дека на претседателот Иванов му ја нагласил својата „загриженост за политичкиот ќор-сокак“ и дека „вперувањето прст во меѓуетничките прашања е опасно и контрапродуктивно“.
Expressed to Pres Ivanov concern for political stalemate. Pointing to interethnic issues in this context is dangerous and counterproductive.
— lamberto zannier (@lamzannier) March 9, 2017
Генералниот секретар на ОБСЕ, кој е во дводневна посета на земјава, напиша и дека е „многу загрижен од притисокот врз граѓанскиот сектор“, чија улога, како што напиша, е „клучна во демократските процеси“.
Very concerned about pressure on civil society. Its role is key to democratic process. @OSCE_Skopje
— lamberto zannier (@lamzannier) March 9, 2017
Генералиот секретар на ОБСЕ денеска во Скопје имаше средби со претседателот Иванов, шефот на македонската дипломатија во заминување, Никола Попоски, лидерите на парламентарните политички партии, ВМРО-ДПМНЕ, СДСМ, ДУИ, Беса, Алијанса на Албанците и ДПА, како и со претставници на граѓанските организации.