fbpx

Заглави ад хок телото за медиуми, средбите продолжуваат од понеделник

-

Членовите на привременото ад хок тело за следење на работата на медиумите за време на изборите, не постигнаа договор за избор на петтиот член, а средбите ќе продолжат од понеделник.

Четворицата членови не успеаја да постигнат консензус, иако рокот за изборот на петтиот член, кој треба да биде Албанец, истече во средата.

Слаѓана Димишкова и Цветин Чилиманов, предложени од ВМРО-ДПМНЕ, и Горан Трпеноски и Љубомир Костовски, предложени од СДСМ, се договорија повторна средба да имаат в понеделник.

Рокот за формирањето на ова привремено тело истече во средата. Ад хок телото мора целосно да се формира до вторник, за в среда, на 31 август, лидерите на четирите најголеми политички партии да можат да одржат лидерска средба, на која треба да се одреди датумот за избори.

Вчера Советот на Агенцијата за аудио и аудио-визуелни медиумски услуги (АВМУ) ја усвои методологијата за надзор на изборното медиумско претставување преку радио и телевизиските програмски сервиси за предвремените парламентарни избори.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Норвешка донираше 76 неборбени моторни возила за Северна Македонија

Донација составена од седумдесет и шест моторни возила од Кралството Норвешка, официјално беше предадена на Армијата на Република Северна Македонија на пригодна церемонија која се одржа во касарната Илинден...