Денеска, членови на опозициските партии поставија импровизиран споменик на смртта на демократијата пред Собранието на Македонија по повод две години од „црниот понеделник“. Претседателот на СДСМ, Зоран Заев, постави и еден пакет со тоалетна хартија.
– Две години по смртта на парламентарната демократија во Македонија, пред овој споменик на „црниот понеделник“, порачуваме – ќе ѝ ставиме точка на намерата на власта да продолжи до конечна пресметка со слободата на говорот, демократијата, со слободата на избор на граѓаните. Претстои период кога ова лудило мора да заврши. Очигледно за оваа власт не се доволни ниту протести од десетици илјади луѓе на улиците, да ја убедат оваа власт барем да разговара за проблемите. Граѓаните веќе препознаваат колку е добро или лошо, само кога ќе го погледнат паричникот. Нема веќе лажење – изјави Заев.
