fbpx

Заев пред пратениците го образложи предлогот за новите министри и заменици

-

Убеден сум дека кандидатите за нови министри во делот на финансиите и подобрувањето на инвестициската клима ќе бидат сериозно засилување на владиниот капацитет, посебно во овој неповторлив, драгоцен период за земјата која очекува интегрирање во ЕУ и НАТО, рече денеска премиерот Зоран Заев, образложувајќи пред пратениците зошто ги предложил Нина Ангеловска за министер за финансии и Хисен Џамаили за министер без ресор.

Во рамки на денешната 110. седница треба да бидат избрани и Кирил Колемишевски за заменик-министер за економија, Елизабета Наумовска за заменик-министер за образование и наука и Неџад Мехмедовиќ за заменик-министер за политички систем и односи меѓу заедниците.

По претставувањето на Заев на новите министри, пратеникот на ВМРО-ДПМНЕ Илија Димовски побара оставка од него.

„Најдобро во овој момент и за земјата и за граѓаните и за економијата и за СДСМ е што побрзо да заврши оваа политичка агонија. Време е да поднесете оставка и не мора да го поврзете тоа со ваша политичка или морална одговорност“, рече Димовски.

На ова Заев одговори, дека за разлика од времето на ВМРО-ДПМНЕ, премиерот сега е пријавител на случајот „Рекет“, овозможено е целосно независно транспаренто работење на јавното обвинителство, без каква било пречка, низ истрага, да ги докаже сите аргументи.

Пратениците треба да изберат и нов вицегувернер на Народната банка за што е предложен Фадил Бајрами.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Тенденциозно се прикажува студија за да се „докаже“ дека маските не спасуваат животи

Во оваа објава се пропушта контекстот, притоа не се наведуваат битните огради кои ги ставаат и самите автори во студијата, а се тврди дека маските не заштитуваат од инфекција...