Претседателот на СДСМ, Зоран Заев, попладнево се сретнал со амбасадорката на ОБСЕ во Македонија, Нина Суомалајнен.
На средбата, како што соопштуваат од партијата, се разговарало за актуелната политичка ситуација во Македонија и за обезбедувањето услови за фер и демократски избори. Заев ја информирал амбасадорката Суомалајнен за најновите случувања во преговарачкиот процес околу Договорот од Пржино.
– Посветени сме на спроведувањето на Договорот од 2 јуни и од 15 јули. Очекуваме ваква сериозност од сите страни и продолжување на реализацијата на преземените обврски во најкусо време – рече претседателот на СДСМ, Заев.
Лидерот на СДСМ нагласил дека следните избори мора да бидат фер и регуларни со полн легитимитет, бидејќи тоа е решението за политичката криза во Македонија.
– Правиме внимателни чекори во таа насока и цврсто сме определени за стабилизација на државата – соопшти Заев.
