Пропаднаа преговорите на четирите политички партии потписнички на Договорот од Пржино откако вечерва лидерите не постигнаа договор за спорните прашања на лидерската средба заедно со еврокомесарот за проширување и соседска политика, Јоханес Хан.
Работната група на СДСМ, предводена од лидерот Зоран Заев, ги напушти преговорите со образложение дека тие нема да учествуваат на избори доколку се одржат на 24 април.
– Не е постигнат договор. Ако има избори на 24 април, СДСМ нема да учествува. За СДСМ се неприфатливи избори без релегуалција на медиумите и без прочистување на избирачкиот список – изјави Заев.
На лидерската средба, која траеше повеќе од осум часа, присутни беа и амбасадарот на САД, Џес Бејли, евроамбасадорот Аиво Орав и белгискиот олеснувач Питер Ванхауте.
