fbpx

Заев: Нашето место во ОН е потврда за македонскиот јазик и македонскиот идентитет (Видео)

-

Македонија е меѓународно призната држава со сопствена армија, со државна валута и со сите постулати на државност, нашето место во ОН е кристална и недвосмислена потврда и за македонскиот јазик и за македонскиот идентитет. Македонскиот јазик се користи слободно секаде во сите меѓународни институции, активности и настани. Во европските институции во Брисел и во Стразбур. Одбележувањето на ваквите денови е најсилниот потсетник за начелата и вредностите кои не смееме да ги заборавиме, но и за патот по кој треба да продолжиме, порача премиерот Зоран Заев на прославата во Куманово на Денот на народното востание – 11 Октомври.

Честитајќи го празникот на Народното востание, тој порача дека македонската држава е резултат на стремежот за борба против репресии и неправда и дека на борците од Народно-ослободителната војна (НОВ) им должиме признание за нивната жртва поради такви идеали и дека сите мора да градиме општество на еднаквост, какво што посакувале тие.

„На денешен ден 11 Октомври – Денот на народното востание, нашите сограѓани во Куманово и Прилеп, се одважија и презедоа акции со кои го означија почетокот на сенародната борба за слобода и правда и во триумфот на победата го остварија вековниот сон – сопствената и заслужена државност. Со овој голем историски чин започна и впишувањето македонската држава на мапата на народите на светот. Патот на македонската држава е проследен со борба против сите форми на фашизам, репресии и неправда. Но, и со постојан стремеж за слобода, правда и еднаквост за сите чесни и добронамерни граѓани без разлика на пол, вера, убедување и народност, водени од желба за подобар живот. Денеска, стоиме тука во Куманово, во градот херој, горди, со кренати глави чувајќи го заветот на нашите државотворци. Поради храбрите борци на НОБ денес сите ние имаме патриотска должност да се обединиме во создавањето на едно праведно општество“, порача премиерот.

Тој порача дека земјава мора да продолжи по патот кон демократските вредности и дека во последниот период е сторено многу и за подобрување на односите со соседите и на состојбите во регионот.

„Нашиот повик, борбата на сегашните генерации, е да обезбедиме развиена, безбедна и силно меѓународно интегрирана држава, во која младите ќе имаат просперитетна иднина. Токму затоа, во минатиот мандат приоритетите ги насочивме на надворешен план. Со упорност и одважност ги постигнавме Договорот за добрососедство, пријателство и соработка со Бугарија и Договорот од Преспа со Грција, со кои по децениско заостанување Северна Македонија направи пробив на меѓународен план. Сето ова се реализираше првенствено низ полноправното членство на нашата држава во НАТО и со утврдувањето на почетокот за преговори со Европската Унија, како и низ градењето на партнерски однос со сите наши соседи. Благодарение на овие договори Северна Македонија од држава оставена на маргините, се претвори во активен чинител на меѓународната сцена. Денес нашата држава е ценет и посакуван партнер. Успешна приказна која започна да го менува наративот на Балканот.

Соседите денес ни се сојузници и силни поддржувачи на меѓународен план. Ова е од исклучително значење, токму сега, во пандемијата на КОВИД-19, кога со сите држави од соседството – Бугарија, Србија, Косово, Албанија и Грција, секојдневно заедно соработуваме во справување со кризата. Како дел од моќното НАТО семејство, како неизоставен дел од безбедносниот штит на најмоќниот воен сојуз во светот, нашата држава стана фактор за стабилност во регионот, извозник на безбедност – порача Заев денеска во Куманово, на прославата на 11 Октомври организирана од Владата.

Зборувајќи за предизвиците пред кои е исправена земјата, тој посебно ја напомена корона кризата и побара опозицијата „да покаже државничко однесување“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...