Премиерот Зоран Заев на „Твитер“ соопшти дека е во Солун, каде, како што претходно беше најавено, ќе ја дочека Новата година со градоначалникот Јанис Бутарис.
„Солун прекрасен како и секогаш, пријателски град од соседна Грција. На заедничка вечера со градоначалникот Бутарис разговараме за нештата кои нé поврзуваат, во позитивна атмосфера. Му се заблагодарив на гостопримството и ги споделивме очекувањата за успешна 2018 година“, напиша Заев на „Твитер“.
Солун прекрасен како и секогаш, пријателски град од соседна Грција. На заедничка вечера со градоначалникот Бутарис разговараме за нештата кои нé поврзуваат, во позитивна атмосфера. Му се заблагодарив на гостопримството и ги споделивме очекувањата за успешна 2018 година. pic.twitter.com/VfhH6S5pQn
— Зоран Заев (@Zoran_Zaev) December 30, 2017
Заев ја прифати поканата да ја дочека Новата година во Солун која Бутарис му ја упати додека беше во работна посета на Скопје во ноември, кога се сретна со македонскиот премиер.
