Лидерот на опозицијата, Зоран Заев, вечерва се обрати на граѓаните во „Кампот на слободата“ пред Владата.
Тој на камперите им изрази „благодарност за истрајноста и за решителноста во битката за враќање на слободата и на демократијата“ во земјата.
Вечерва кампот се затвора.
– Го даваме овој простор како симбол и како потсетник на секоја идна влада да не помисли да си игра со слободата и со човековите права. Овде се едни од најзаслужните граѓани. Вие ја дадовте силата и на гандиевски начин се чекореше до толку посакуваната цел. Вие ја испративте пораката до светот дека диктатор може да падне без да се пролеле капка крв – рече Заев во своето обраќање до присутните.
Тој на граѓаните им го објасни договорот од Пржино и им сооппшти дека е „добиена преодна влада без Груевски“ и дека „на 24 април Груевски ќе го добие најтешкиот пораз“.
Во кампот во тек е мала забава, по што тој и официјално ќе биде затворен.
