Премиерот Зоран Заев денеска во име на Владата даде целосна поддршка на документот „Меѓународна класификација на функционирање“, од новата фаза од кампањата „Биди фер, за детство без пречки“ во организација на УНИЦЕФ.
На промоцијата, на која покрај него беа и министерката за труд и социјална политика, Мила Царовска, и министерката за образование, Рената Десковска, како и претставникот на УНИЦЕФ во Македонија, Бенџамин Перкс, и претставници на невладини организации, Заев ги потврди заложбите на Владата да развива инклузивно општетство со еднакви услови за сите граѓани.
– Правото на еднаквост почнува од раѓањето. Секое дете ни е важно затоа што фиданките се иднината на дрвото наречено живот – порача премиерот.
