Премиерот Зоран Заев денеска ја поздрави одлуката на Бугарската православна црква да го прифати барањето на Македоднската православна црква – Охрдиска архиепископија да ѝ биде мајка црква и додаде оти е среќен што градењето пријателства дава резултати.

Тој истакна дека со ова се прави напредок во процесот на признавање на автокефалноста на МПЦ-ОА.

– Како православен верник, радосен сум за оваа работа. Уште еднаш само ќе повторам дека Македонија е секуларна држава. Ние не сакаме да се мешаме во односи меѓу црквите, но оваа порака е исклучително позитивна и можам само да ја поздравам. Дефинитивно правиме напредок и во делот признавањето на нашата Македонска православна црква. Прифаќањето од бугарска страна да биде мајка црква значи дека ќе го води целиот процес за помагање на признавањето на афтокефалноста на нашата МПЦ. Се надевам сите други православни цркви ќе го следат примерот, затоа што да се биде мајка црква завршува со признавање на МПЦ. Среќен сум што градењето пријателства дава резултати, ние сме мала земја и само со пријатели ќе можеме да одиме напред, а со тоа и ќе можеме да отвараме нови преспективи – изјави Заев од Будимпешта, каде со владина делегација учествува на Самитот 16+1.