fbpx

Заев има потврда за средба со Меркел, но не открива датум и место

-

Премиерот Зоран Заев денеска најави уште една средба со германската канцеларка Ангела Меркел, за што веќе има потврден термин, но тој не откри кога и каде би се одржала средбата.

– Мене ми е драго што е испратена порака за точен термин за состанок со канцеларката Меркел. Овој успех е и на канцеларката Меркел и на земјите членки на ЕУ, која беше лично тука за референдумот да охрабри и да даде политичка поддршка, но и економска – рече денеска премиерот Зоран Заев по прес-конференција во Владата која ја одржа со вицепремиерот Кочо Анѓушев.

За информацијата дека Меркел не се согласува да и се даде датум за преговори на државата, Заев рече дека за тие што се упатени, информацијата е стара и оти за ова прашање сè уште се во тек разговори на највисоко ниво, но и со пратеници.

Тој посочи дека за нас се важни одлуките и информациите на Советот за општи прашања на ЕУ (ГАК) кој има состанок од 18 до 21 јуни, а потоа и на крајот на јули.

– Европскиот совет е тој што ја носи конечната одлука. Прво се наговестува преку ГАК. Да не ги пропуштиме овие термини – рече Заев.

Премиерот кажа дека доколку не добиеме датум за преговори тој најавил враќање на мандатот и оти од тоа зависи дали ќе има избор на нова Влада или само реконструкција. Реконструкцијата би се случила најдоцна до крајот на јуни, а на идната седница на Влада ќе има одредени промени на директорските места.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Ангеловска-Бежоска: Земјите од Западен Балкан годишно губат 18 отсто од БДП поради родовиот јаз на пазарот на труд

Последователните економски шокови изминатите години дополнително го отежнуваат намалувањето на родовата нееднаквост, поради нивното понеповолно влијание врз женската популација. Кај повеќето земји од регионот на Западен Балкан стапката на...