Зоран Заев и Радмила Шекеринска денеска се сретнале со Томас Јаздгерди, директорот во Стејт департментот за Јужна и за Централна Европа. На средбата се разговарало за актуелната политичка ситуација во Македонија и во регионот. Заев истакнал дека партијата на власт ги узурпира сите државни институции.
Како што соопштуваат од СДСМ, Јаздгерди се интересирал за позицијата и за предизвиците со кои се соочува Македонија на патот кон евроинтеграциите во однос на земјите од регионот.
– Македонија денес го губи чекорот со соседите. Девет години владејачката партија не успеа да направи ниту еден чекор напред за целта којашто нè обединува сите – рекла Шекеринска.