Премиерот Зоран Заев, заедно со претседателот на Владата на Република Бугарија, Бојко Борисов, по заедничката прес-конференција, придружени од страна на министрите за надворешни работи на двете земји Никола Димитров и Екатерина Захариева, оддадоа почит и положија венци на вечното почивалиште на Гоце Делчев во црквата „Свети Спас“ во Скопје.
Во склоп на оваа посета, премиерите на двете држави, е предвидено да положат цвеќе на споменикот на полковникот Константин Каварналиев во Дојран.
Претходно, на прес-конференцијата во Владата, Заев изрази уверување дека двете земји ќе изнајдат решение за Гоце Делчев, а Борисов побара од Комисиите прашањето да го затворат до октомври.
